biblioteca axexo: "Viaxe á semente". Fina Casalderrey mestra e escritora membro da Real Academia da Lingua Galega

26 nov 2013

"Viaxe á semente". Fina Casalderrey mestra e escritora membro da Real Academia da Lingua Galega

Que Fina Casalderrey sexa a nova membro numerario da Real Academia Galega énchenos de ledicia por moitos motivos.

O primeiro, que adicou a súa vida profesional á docencia, dun xeito comprometido, naqueles anos nos que agromaba o ensino en galego para que a nosa lingua e tradicións formaran parte do imaxinario infantil que axudaría a reconstruir a identidade dun pobo.

Tamén o feito de ser desas mestras pioneiras, que dende as experiencias na aula decatáronse do imprescindible dunha literatura infantil e xuvenil de calidade en lingua galega.

Porque forma parte dos escritores en lingua galega que foron galardoados co Premio Nacional de Literatura Infantil, que por certo, todos son mestres e mestras.

Porque foi unha mestra rural, que dende a sinxeleza das súas aulas soubo mostrar un mundo infinito, cheo de posibilidades, como é a literatura.

Porque formou parte do ENSINO PÚBLICO DE CALIDADE PARA TODOS E TODAS E EN GALEGO e nestes tempos de "reforma" ten que servirnos de inspiración.

Imáxe dinamizacióncarballeira.blogspot.com

Porque non esquecendo que ademais dunha grande escritora con recoñecemento, adicou grande parte da súa vida ás aulas, o eixe vertebrador do seu discurso de ingreso na Real Academia Galega é a importancia dos nenos e nenas, mozos e mozas lectores, de ahí o título que empregou "VIAXE Á SEMENTE". Aquí vos deixamos unha mostra chea de emocións:

"Unha viaxe á semente da literatura será sempre unha peregrinación posto que a vida enteira cabe na memoria da nenez. É nela onde están representadas as cousas onde habita a nosa capacidade fabuladora, ese xerme...".