DÍA DO LIBRO 2019: OS NOSOS LIBROS FAVORITOS

O día 23 de abril conmemoramos no colexio o DÍA INTERNACIONAL DO LIBRO.

Tivemos algunha visita sorpresa...Xa o contaremos noutra entrada!

Tamén fixemos uns traballos moi chulos. Debuxamos o noso retrato nun libro e escribimos e debuxamos sobre as nosas lecturas favoritas. Nin imaxinades a cantidade de libros que nos gustan!

Estades convidados a dar un paseo polos corredores do centro e ver as nosas obras de arte. Como adianto, deixamos algunhas imaxes do que fixemos os nenos e nenas de E.I e E.P.

                     EDUCACIÓN PRIMARIA

QUEN CONTA UN CONTO?

Na semana do "DÍA DO LIBRO" en 6º de E.P, na hora de ler, algúns nenos e nenas animáronse a contarlles un conto aos seus compañeiros e compañeiras.

Que mellor xeito de conmemorar esta data que compartindo historias?

Aquí vos deixamos algunhas imaxes para que vos fagades unha idea.

DÍA DE ROSALIA

O 24 de febreiro, Rosalía de Castro estaría de aniversario, por iso celébrase o DÍA DE ROSALÍA.
Rosalía de Castro era unha poeta galega, pero para Galicia é moito máis, é un símbolo da sensibilidade cultural do noso país e da reivindicación do papel das mulleres no mundo.

Aqui vos deixamos algunhas imaxes de libros de Rosalía de Castro que podedes atopar na biblioteca.



 
Entrada feita por: Karla, Noa, Alexia, Adrián, Hugo, Lara e Estela.