Recursos para traballar vida e obra de Manuel María

http://seminariogalan.org/2012/

LIÑA DO TEMPO DE MANUEL MARÍA

Liña do tempo de Manuel María. Un traballo moi interesante e moi completo realizado por Quini Freixeiro do Ceip Condesa Fenosa.

Manuel María, autor das Letras Galegas para o ano 2016

       

   

 A noticia de que o escritor Manuel María será o autor homenaxeado o próximo 17 de maio foi moi ben recibida polo conxunto da sociedade galega. Poucas veces un autor recibe este aplauso unánime dos lectores. A RAG acertou na súa elección.

Manuel María, ademais de poeta para o público xeral e a infancia, foi narrador e autor teatral. 

 

Un creador atento ás necesidades do sistema literario galego, da escola e da sociedade. Cando publicou Os soños na gaiola  declaraba que era o libro que tivera gustado ler cando cativo. E os pequenos e pequenas do país déronlle cumprida resposta. Os soños saíron da gaiola para voar e ser cantados por Suso Vaamonde, e con el, polos galegos dun tempo. 

As Aventuras e desventuras dunha espiña de toxo chamada Berenguela, foi unhas desas obras de teatro que encheron os escenarios dos centros de ensino. teatro para ler, para representar, para falar... porque ten mensaxe.

E outros libros para a infancia e a xuventude, para confirmar que nas bibliotecas escolares haberá moito que dicir deste autor da Terra Cha. 

O bigote de Mimí

A tribo ten catro ríos

Cando o mar foi polo río

As ribeiras son escuras

Viaxes e vagancias de M. P.

Un autor que conta cunha Fundación que achega moita información e recursos para traballalo. Un autor que recibiu o I premio Leixaprén de centros de ensino pola súa contribución ao galego.