SOBRADA NAS ONDAS. SAMAÍN

Sobrada nas ondas. Primeiro programa de Radio Escolar


Pincha no enlace e poderás escoitar o noso primeiro programa de radio escolar deste curso 2018-2019.

Programa de recomendacións literarias para que vos somerxades no mundo das boas lecturas.

PROGRAMA DE RADIO ESCOLAR NA RADIO MUNICIPAL DE TUI

PROGRAMA DE RADIO ESCOLAR

A Biblioteca Axexo do C.E.I.P. de Sobrada, quere informarvos de que dende a Radio Municipal de Tui se emite un programa escolar no cal participa o noso colexio recomendando libros.

Animámosvos a escoitar estes programas que se emitirán todos os xoves en horario de 11:30 h. e 14:45 h. (redifusión).

O noso colexio fará os programas dos días:

- 30 de novembro de 2017.
- 1 de marzo de 2018.
- 10 de maio de 2018.
- 31 de maio de 2018 (este último será un programa conxunto de todos os colexios participantes)

XVII XORNADAS DE EXPRESIÓN ORAL "TÍRALLE DA LINGUA"

Tíralle da língua é un proxecto da AS-PG, dirixido ao alumnado e profesorado de todo o país, co obxectivo de normalizar o uso oral da nosa lingua, converter o idioma en instrumento de comunicación normal, de creación e recreación de historias... de lingua de uso do noso sistema educativo, en definitiva, de devolverlle ao galego o espazo que lle corresponde.
O proxecto "TÍRALLE DA LINGUA" consta de dúas fases:
 - Estas xornadas de expresión oral, dirixidas ao profesorado, nas que se intenta proporcionar técnicas para traballar a oralidade na aula.
 - E un concurso de relato oral, dirixido ao alumnado de toda Galiza cunha fase final que se celebra no mes de maio en Compostela.  

XVII CONCURSO DE RELATO ORAL: TÍRALLE DA LINGUA
BASES DO CONCURSO
1ª As historias poderán ser de base popular, de base literaria ou creación propia.

2ª As historias contaranse en galego.

3ª Nas historias valorarase a calidade lingüística e o seu carácter construtivo e pedagóxico (linguaxe non discriminatoria, linguaxe non sexista...)

4ª As/os participantes concursarán individualmente ou en grupo, pero sempre respectando o tempo máximo por actuación que será de 5 minutos. A superación dese tempo pode supor a descualificación. Poderán participar cun máximo dunha historia.

5ª O concurso vai destinado a tres niveis académicos:
1) Primaria
 2) 1º Ciclo de ESO.
 3) 2º Ciclo de ESO e ensino postobrigatorio.

6ª O concurso farase en dúas fases con carácter selectivo:
1) A nivel de centro de ensino.
2) A nivel nacional.

7ª Na primeira fase será o propio centro o que determine e se responsabilice dos posíbeis premios aos concursantes. O número de concursantes que pasarán da primeira á segunda fase determinarase en función da participación, o que se comunicará aos centros.

8ª A formalización da inscrición no concurso por parte dos centros realizarase antes do día 19 de abril enviando un e-mail a: informacion@as-pg.com, recibirán confirmación da inscrición e dos datos que deben completar.

9ª A fase final celebrarase a finais de abril en Santiago, en dous grupos diferentes: un para primaria e primeiro ciclo de secundaria e outro para segundo ciclo de secundaria e ensino postobrigatorio.

10ª Na fase final concederase un primeiro premio por nivel cun valor de 250 euros e un segundo, se o xurado así o estima por valor de 150 euros. Os centros de ensino dos participantes gañadores recibirán un premio do mesmo importe.

Para máis información: http://www.as-pg.gal/ViewActivity.do?activityId=69